Wij deken en capittel der kercke van oudenmu[n]ster t Utrecht doen konde alle luijden dat wij Eernst Willemsz verleent hebbe d ene ewigen erffpacht
ongescheijden aen ene erfgen te blijve twee margen lants also die gelgen sijn int Goij opten gheer daer boven naest gelant is Johan Lambertsz ende
beneden der heren vanden duijsche huijse binne Utrecht en noch vier hont lants also die gelegen sijn tot Westrom mijt haren toebehoren daer
bove onsser liever vrouwe outaer int Goij ende beneden Johan Eersten naestgelant sijn om een seker jaerlixe pensie als om ene goede oguden oude
vranckrijxs schilt goet van goude ende zwaer van gewixhten off also vele daer voor d ander goeden paijmente als die gemeen eerlofic[?] van Utrecht
daer voor ontfangen sall in elker tijt der betalingen cnmerloes ende vrij te betalen ons off onsse cameraer daer tijt tutsen d onsz kercke jaerlix op
sinte peters dach as cathedram of bijnne eene maent daer na onbegrepe sode enigerhande afcortinghe off verminderinghe ons pachts voorsz[egd]
oick van wat zaicke datten toecomen mochte mijt dusdanigen voerwaeren waertsaick dat Eernst Willemsz voersz[egd] die betalingen des voersch[reven]
pachts tot enigen tijt versujmde ende nijet en betaelde alst voersz[egd] is also dick als dat gevonde soe waer hij sculdich dubbeles pacht en den
dubbelen pacht sullen wij wt mogen dun panden mijtte cost die wij daerom sullen doen wt alle sijne goed waer die gelegen sijn mijt allen
boden verwonnen oick sijnt voerwaerden dat Willem Eersten ende Geertruijt sijn huijsvrouwe ouders van Eernst Willemsz voersz[egd] haer lijftocht
hebbe sulle aenden lande ende erfpacht voersz[egd] voert na dode van Eernst Willemsz voersz[egd] so sall sijn naeste erfgenaam dit voersz[egde] goet bijnne
jaers van ons versoecke op versuijme des voers[zegde] goets ende nijewe brieve gene ende een inhouden als dese doen op sijne cost sonder arch en list
in oerkonden des briefs bezegelt mijt onssz kerdke zegel tegen int jaer ons here vijftienhondert vijftien op sints peters __t ad cathedram