Allen den gheen die deesen brieff sullen sijen of horen lesen doen te verstaen Maritgen Gijsbert Acrijnsz wedue inde Goij dat ic van den e[erbare] heeren deecken ende cap[ite]le OUdemunster t Utrecth
negen jaeren langh geduijrende ingaende Petri ad Cathedram anno XVe acht en t seventich in pacht ende huijrweere ontfangen hebbe twaelf mergen landts soe groot ende cleijn als die van oudts
gel[e]gen sijn int Goij opstreckend van Osterlake tot aen die Goijerweteringe toe^{daer boven}Jacob Jan Lubbertsz off daer hij dat mietrecht gelaten heeft en beneden sinte Barbaren gasthuijs
binnen Utrecht naest gelandt sijn den voersz[egde] heeren ende hare kercke toebehorende om een sekere jaerlicxe pensie alse elcke mergen voor vier^dhalve gulden van twintich brabantsche stuver
t stuck aen om twalef goede pacht capoenen off vier stuversz voor elcken capoen tot optie en kuere van de heeren voersz[egd] commerlos ende vrij te betalen den voersz[egde] heeren ofte hare
cameraers inder tijet t Utrecht in hare kercken op mijnen cost ampt ende arbeijt sonder eenigerande afcoringe off vermiinderinge hoers pachts voersz[egd] van wat aecken datte toecomen
mochte t waer van oudtschiltgelt off eenigen anderen ongelden niet uijtgesondert dan alleen open orloge en open waden daer van mij bij den voersz[egde] heeren gedaen sal worden als vorder
ende beneden horen anderen pachters geschien sal die eenheflt van gelde mit alle die capoenen voersz[egd] op Sinte Martijns dach inden winter ende ander helfte op naestcomende ende Sinte Peters ad
Cathedram daer naest volgen[de] off binnen veerthien dagen naer elcken termijn voersz[egde] onbegrepen mit dusdanige voerwaerde waert saecke dat ic deesen voersz[egde] jaerlicx pacht
alle jaere opden termijnen voersz[egd] niet vol en al en bettaelden oft dit landt indt geheel oft een deel daervan weerloes wirde en aen ijemand anders brochte buijten wille en consent
der heeren voersz[egd] oft eenigen voerwaerden in desen begrepen verbraecke ende niet en onderhielde soe waer ick vervallen van desen huijrweere en van allen recht ende toeseggens dat ic
aen dit landt hadde ende dat quam dan vrij loss en ledich wederom aenden heeren en hare kercke voersz[egd] horen vrijen wille daer mede the doen soe verre sij dat wederom aenden
wouden en anders niet behoudens hemluijden nietemin allen horen achterstadigen verschenen en onbetaelde pacht den sij sullen mogen doen vuijtpanden vant allen mijnen goederen
waer die bevonden sullen mogen werden mit allen boden verwonnen ende ende tot dien eijnde verbinde ick mijnen persoen ende goederen voersz[egd] submitterende deselve den hove provinciael
van Utrecht ende allen anderen hove rechten ende gerechten beloven[de] hier van acte van condmnatie te passeren op mijnen cost tot vermaninge alle dingen sonder arch oft
list dese t oirconden hebbe ick gebeden den eersamen Joest Bontkaert desen over mijn te willen besegelen t welck hijgern gedaen en zijn sege over mijn
aen gehangen heeft indt jaer ons heeren xv^e achten t seventich opden XVX^en dach ter maendt van april