Ick Luijtgen Woutersz doe kondt allen luijden dat ick belije ende kenne voir mij ende voir mijnen erffnamen also dat ick vercost hebbe dat convent van den
heiligen elfduijsent meechden gelegen bijnnen Utrecht een halve hoevelants alsoe die gelegen is op Rijsbrug inden gerechte van Bunnick den
drien pcelen dair dat een stuck van twe morgen off gelegen is onder Evert Aerntszoens hofstede ende is streckende uiten Reetsloet aen die
Rijsbrugschewech dair Gerijt Jansssoens erfname[n] boven ende Zweer van Vijane[n] van Rijsenbrerchs erffnamen beneden naestgelant zijn dat ander
stucke van twe morgen ende sijn vier acker is streckende van den rijsbrugschenwech op tot aen des voirsc[hreven] Zweer van Vijaene[n] vna Rijsenborchs
end Claes van Valkendaels lant dair die selve Claes van Valkendael boven ende Zweers erffnamen voirsz[egd] beneden naestgelant zijn item dat
derde stuck houdende vier morgen is oick streckende van den Rijsbrugschen wech tot aen die kae daert convent van regulieren bijnne[n] Utrecht
boven ende Claes van Valkendael voirsz[egd] beneden naestgelant zijn van weker halver hoeve[n] lants ick Wilg[e]^r Jacobsz den vrijen eijgendom tot behoeff
des convents voirsch[reven] in den gerecht voirg[enoemd] off ove[r] gegeve[n] hebbe ende ick schelde dair om[m]e dat voirsz[egde] conve[n]t voirsch[reve] dair off goede
betalinge ende ick hebbe mede geloest ende gelove voir mij ende voir mijnen erffname[n] dat voirsch[reven] conve[n]t ende haren nacomelingen die voirsz[egde]
halve hoeve lants ende den vrijen eijgendom dair off jair ende dach the vrijen ende the waren also erffcoop recht is naeden recht van den
lande ende all voer com[m]er off the doen sonder argelist in kennisse der wairheit soe hebbe ick Luijtgen Woutersz voirsz[egd] mijnen
aen desen brieff gedaen gegeven int jair ons heer[en] duijsent vierhondert vier ende tachtich op ten anderden dach in junio