Alle den ghenen die desen brieff sellen sien off horen lesen doe wij verstaen Luijtgen Wouter Luijtgensz schout Pouwels Jansz, Aernt Jansz, Govert Wille[m]sz
ende Peter Willem Smijtsz lantgenote[n] en[de] buere tot Vechten in ons ghenadichsheere gherecht van Utrecht ende en[de] heere[n] Johans van Rensse van Renouwen
ridder dat ons kenlijken is dat Luijtgen Wouter Luijtgensz die schout voirsz[egd] van der bancken trat dair hij the rechte sat en[de]sette de die voirsz[egde]
Pouwels Jansz als een schout in sijnre stat alse recht was doe dat gedaen was doe qua[m] voir mij Pouwels Jansz als schout voirsz[egd] ende die voirschr[eve]n
lantgenote[n] en[de] bue[re] inden gherecht voirs[zegd] Luijtgen Wouter Luijtgensz voirsch[reven] Wouter, Peter, Fije zijn kijnde[ren] die hij hadde bij Beatrijs Ghijsbert
Harme[n]sz dochter zijne[n] voirwijve Phillips, Govert ende Cornelia oick des selven Luijtgens kijnder die hij hadde bij Celije Govert Gerijtssz docht[er] zijne
naewijve ende beheerden eens oirdeels off die halve hoeve lants mit alle horen toebehoren alsoe groet ende also cleijn alse die gelegen is inden
gherechte voirszch[reven] in Vechtenrebroeck op streckende uijt die sijdelgrave tot goeijermaet toe der hee[re]n lant van Sinte Marien t Utrecht dai Rijsbrugg[er]
velt boven en[de] Jacob van Wijnsens erfname[n] beneden naest gelant zijn alsoe vrije ende alsoe losse hem wair dat hij die mochten vercoope[n] versette[n]
verselle[n] en[de] den vrijen eijgendom dair off overgheve[n] vrijlijken wien dat hij wouden ende hem werdt gewijst mit recht ende mit oirder dat hij t
well doen mochte ende dattet mitte[n] rechte stedicheit hebben ende houden sell ende aldair soe gevaen alse Luijtgen Wouter Luijtgensz voirschr[even]
uijt zijns selffs hant voir hem selve Wouter, Peter, Fije, Phillips, Govert ende Cornelisa zijne kijder voirscreve[n] geven elcx mit hande hare mage[n]
van horen vier vierendeelen die dair tegenwoirdich en[de] voir oghen waren ende sij gaven alle int gesamender hant alse recht wijsde over
wilger Jacobsz tot behoeff die eersame priordide en[de] ghemeen conve[n]t van de[n] heiligen elffduijsent meechden regularissen van Sint Augusij[n]s
oirde gelegen binne[n] Utrecht den vrijen eijgendom van der halver hoeve[n] lants alsoe alse die hier voir bescreven en[de] bepaelt staet ende sij v[er]tegen
dair off int handen voirsch[reven] en[de] van alle rechtes en[de] toeseggens dat hij dair aen hadden en[de] mede van allen brieve[n] die dair off zuerede zijn tot des
comme[n]ts behoeff voirgenoemt alse die lantgenote[n] en[de] buere voirsz[egd] wijsden dat recht was en[de] hij mit recht scukducg ware[n] the doen ende dat
die ghijste ende vertichte mitte rechte stedicheit hebben ende houden sell ende in geloefdent den comment voirschr[even] mede mit handen voirg[enoemd] jair ende
dach the vrijen en[de] the ware[n] alle erffcoop recht is naden recht van den lande ende alle voir com[m]er off the doen sonder argelist in kenisse der wairheit
soe hebben wij Pouwels Jansz als schout Aernt Jansz, Govert Wille[m]sz ende Peter Wille[m]sz Smijtsz lantgenote[n] en[de] bue[ren] voirs[chreven] samentlijck gebeden
Egbert Gerijtsz desen brieff over ons the besegelen mit sijne[n] segell om gebreecx will onser segele[n] op dese tijt want wij hier ov[er] en[de] aen ware[n]
dair dit geschiede gelijck hier voir bescreve[n] staet dat ick Egbert Gherijtsz voirsch[reven] ther beden des schoute[n] lantgenote[n] en[de] buer[en] voirg[enoemd] geerne gedae[n]
hebbe ende want ick Luijtgen voirs[chreven] belije en[de] kenne dat dit voirsc[reven] aldus geschiet is soe hebbe ick des t oirkonde mijne[n] segel mede aen desen
brieff gehange[n] gegeve[n] int jair ons heere[n] duijsent vierhondert vier ende tachtich op ten sessende twintich dach in februario