Ick Luijtgen Wouter Luijtgensz sz die kondt allen luijden dat ick belije en[de] kenne voir mij en[de] voir mijne
erffnamen alse dat ick vercost hebbe die eersame priorinne en[de] ghemeen conve[n]t van den heilige elff
duijsent meechden regularisse[n] van Sinte Augustijns oirde gelegen bijnnen Utrecht om een selver
so[m]me van penni[n]gen die sij mij tot mijne[n] wille well verinrecht voldae[n] en[de] betaelt hebbe[n] den leste[n]
penni[n]ck mitte[n] eerse[n] een halve hoeve lants mit alle horen toebehore[n] alsoe groet en[de] also cleijn alse
die gelegen is tot Vechten in Vechtenrebroeck opstreckende uit die zijdelgrave tot Goeijer maet
toe der heere[n] lant va[n] sinte Marie t Utrecht dair Rijsbrugger belt bove[n] en[de] Jacob van Wijnsens
erffnamen beneden naestgelant zijn van welker halver hoeve[n] lants vorsch[reven] ick Luijtge[n] voirsch[reven]
mit Wout[er], Peter, Fije, Phillips, Govert ende Cornelia mijn kijndere[n] die selve priordice en[de] ghemeen
conve[n]t den vrijen eijgendom op dach datu[m] des brieffs in den gherechte voirsch[reven] off overgegeve
hebbe ende ick schelde dair ome die voirsz[egde] p[ri]ordice en[de] gemee[n] conve[n]t en[de] hare[n] nacomelingen voir mij
en[de] voir mijne[n] erffname[n] van der aling[er] halver hoeve[n] lants voirsch[reven] clairlijken quijt ende dancke
hem dair off goeder betalinge ende ick hebbe mede geloeft en[de] gelove voir mij en[de] voir mijne
erffname[n] die voirsch[reve]n p[ri]orine en[de] ghemee[n] conve[n]t en[de] hare[n] nacomelinge[n] dese voirs[zegde] alinge geheel
halve hoeve lants en[de] den vrijen eijgendome dair off jairende dach te vrijen en[de] the ware[n] alse
erffcoop recht is naden recht van den lande en[de] alle voercom[m]er iff tge dieb sibder argekust ub
kenisse der wairheit hier off soe hebb ick Luijtgen voirsch[reven] mijne[n] segell aen desen brieff gedae[n]
gegeve[n] int jair ons here[n] duijsent vierhondert vier en[de] tachtich opte sessende twintichste dach
in februario