Ic Luijtgen Woutersz doe kondt allen luijden dat ick belije ende kenne dat ick vercost hebbe heer[en] Gheerloff van der
Donck canonick then doem t Utrecht om een selver somme van penningen die hij mij voll ende all betaelt heeft den
lesten penninck mette[n] eersten derden halve[n] ouden Vrancrijcge[n] schilt anderhalven goede gouden overlantsche koevorster
rijnsche gulden voir date[n] des brieffe gemu[n]t ende geslagen off paijme[n]t hore weerden inder tijt der betalingen voir
ellren ende schilt gerekent des jaers erffeliccke renthen uit vier morge[n] en[de] twe hont lantsalsoe die gelegen zijn
inden gherechte van Houten opstreckende van den Houtenschen wech aendie biscops hoeve toe dair Aernt Taets ende
Anthonis Jacob die Brouwersz boven en[de] Jan van Oester[um] Willemsz ende Ghijsbert die Craens erffname[n] mette[n] malate[n]
buijten Utrecht benede[n] naestgelant zijn van welken lande ick mit mijnen[n] kijnde[re]n voirsz[egd] den selven heer[e]n Gheerloff
den vrijen eijgendom op datum des brieffs inden gherechte voirsz[egd] off overgegeven hebbe ende ick schelde dair o[m]me
der voirsz[egde] heere[n] Gheerloff ende sijnen erffnamen voir mij en[de] voir mijne[n] erffnamen van de alingen renthen voirsz[egd]
clairlicken quijt ende dancke hem in als dair off goeder betalinge ende ick hebbe dair om[m]e geloeft en[de] gelove
voir mij ende voir mijne[n] erffnamen den selve heere[n] Gheerloff en[de] sijnen erve[n] dit voirs[zegde] lant ende den vrijen
eijgendom dair off jair ende dach the vrijen ende the waren alse erffcoop recht is naden recht van de[n] lande en[de]
alle voircom[m]er off the doen sonder arch in kennisse der wairheit soe hebbe ick Luijtgen voirsz[egd] mijne[n] segel aen
desen brieff gedaen gegeve[n] int jair ons heere[n] duijsent vierhondert vijffendetachtich op ten achtste dach in meerte