gecoopi ___
zulst coff en __

Officiael shooffs van Utrecht rechter ordinarijs doen condt ende kennelicken allen luijden dat voerons ende in presentie des versceven hoeeffs gesworen not[ar]ijs ende screven als in figueren rechten in
sijn eijghen persoen gecompaereert is Cornleis Ludolffsz de Wit ende heeft aldaeir mijt sijn vrije moet wille wittelicken ende wel beleden ende geconsesseert dat hij van de eerweerdighe heren vredeecken ende cappitel
der kercken van Sint Peters t Uijtrecht in een ewighen erffpacht ontfangen heeft een stuck lants genaempt een Broot acker gelegen aen die aen die nern bij Nijevelt mit alsulcke lumten ende opconditien vorwerden
wilcoren en penen ende verbanden inde brieve dair van geexpedieert ende hijer nae geinsereert breeder begrepen ende gespecificeert bekennede voer hem sijn erven ende naercomelinghen gheen recht actie noch toeseggen
daer meer aen te hebben dan hem bijden voern[oemde] heren verlijt ende verleent is versouckende inden inhouden der selvem brieven gecondemneert te werden schout die voirsz[egde] consessie ende versouck hebben wij offmael
voersz[egd] den voern[oemden] Cornelis gecondemneeert ende condemneren mits desen te voldoen dachtervolgen ende te voltrecken alle die conditien vorwerden wilcoren penen ende verbandnen in den voersz[egde] brieven begrepen ende gespecifi
ceert van welcke brieven ende heurer alhijer van woerde tot woerde nae volcht wij vredeecken ende capittel der kercken van sint Pieters t Utrecht doen kondt allen luijden lijen ende bekennen mits desen dat
wij in een ewighen erffpacht verlijt ende verleent hebben verlijen ende verleenen mits desen Cornelis Ludolffzoon die Wit voer hem sijn erven ende nacomelingen een stuck lants genaempt den Brootacker
gelegen aen de mern bij Nijevelt dair boven joncker Steven van Rossum ende beneden Henrick Ruijs ende Bernt van der Haers wedue naest gelant zijn streckende uuijt heijcoper Weteringe tot aen
zeker onser kercken lant die van ons bijden voersz[egde] joncker Steven in huijre gebruijckt werden alze t zelve stuck lants bij dode van Jan de Wit sijn broeder op hem gedevolueert ende gesuccedeert
in elcks jairs om een goude croon mitter sonnen off die rechte weerde dair van aen andren gelden inder tijt der betalinge bijnnen Utrecht gancker wesende the betaeln ons offo onsen cameraer inder tijt
jairlicx cof alle sinte peters daghe ad cathedram off bijnnen veerthien dagen dair nae ombegrepen ende soe voirt jairlicx bijnnen Utrecht in onser kercek vrij ende comerloes te leveren op Cornelis Ludolfssz
voirsz[egd] ampt ende arbeijt sonder enigerhande affcortinge off verminringe des voirsz[egde] pachts t zij van imbreeckinge van dijcken van oorloge van brande van rooff van onweder ontseggen van heren rede
heren schattinge ofte van andere eenijger saicken off oncost die opt voersz[egde] stuck lants comen mocht of werden geset in wat manieren dattet wair mit sulckevorwerden dat t voerscreven stuck
lants nae Cornelis Ludolffsz doot comen ende bliiven sal op zijn erste erffgenaem offen nou die man voer dat wijff ende zoe wert van erffgenaem tot erffgenaem welick ende erffelick ongescheij
den ende ongedeijlt voirt zijn voirwaerden dat Cornelis voirsz[egd] ende sijn erffgenamen ende nacomelingen dit voerscreven stuck lants met en sullen moegen aen ijemant anders brengen vercoopen
versetten versellen splijten noch deijlen ten zij bij onsen wille ende consent noch zijne vorweerden dat Cornelis voersz[egd] voir hem ende sijnen erffgenamen ende nacomelingen een verogintie ofte belijdinge
doen sal voirden officael van vlrecht[?] ofte anders voir wat rechten off reghters dat wij willen t zij geestelick oft weerlick dat hij dit stuck lants voersz[egd] ons ende onser kercken toebehoren[de]
in allen manieren ende voirwaerden in dese brieff begrepen in eenen ewelicken erffpacht ontfangen heeft ende anders gheen recht dair aen en heeft dan hem van ons in desz[e] brieff gegeven is
ende hij sal mede lonen voor de zelver rechter ofte gerechte alle dese ouncten ende voirwaerden in desen brieff begrepen wel te houden ende te voldoen sonder enijge weder seggen voirt sijnt
voirwaerden dat elcke nije erffgenaem dair desen erffpacht opcomen sal naecomen voersz[egd] doot sal bijnnen den ijersten jaer dair hij in gestorven is bij ons comen ende nemen nije breiven spreeck[ende]
als desz[e] brieff spreeckt ende ons een recognitie doen ende belijdinge in allen manieren als voersz[egd] is ende dit al op der versaecker cost oick sijnt voirwaerden waert saicke dat Corn[elisz voer
screven off sijn erffgenamen jairlicx ende alle jair opten voersz[egde] termijn den overn[oemde] pacht nijet vol ende all en betailden off enich van die puncten in desen brieff gescreven braicken ende nijet en voldeden
zoe viel hij rechtewert van dese erffpacht ende allen rechts dat hij daer aen hebben mocht ende soe quaem t voerscreven stuck lants als dan weder aen on ende onsz kercke voersz[egd] onsen
vrije wille dair mede te doen sonder ijemants wederseggen soe verre wij dat dan aen ons nemen wouden ende anders nijte seheltelicken [?] ons nochtans al ons verschenen en[de] onbe
taelde pacht die ons afterstedich wair die ons Cornelis voersz[egd] off sijn erff genamen mit alsucke cost als wij off onse boiden dair om deden demen ons off onse boeden tot
onse ofte hairen simpelen woirden geloven sall voll ende all betailen sullen sonder enich wederseggen alle arch ende list uuijtgesonder in oirconde der waerheijt hijer off
soe hebben wij vredeecken ende capittel voersz[egd] desen brieff mijt ons capittels segel doen besegelen gegeven int jaer ons heren duijsent vijff hondert negen ende vijfttich
opte derthienden dach septembris in kennisse der waerheijt soe hebben wij officiael rechter voersz[egd] desz[e] brieven daer van doen maecken en[de] met het voirsz[egde] hoffs segels
___________________________