Ick Willem Eernstz eerkondt en kenlick allen luijden ende bekenne mit desen tegenwoordige brieve dat
ick voor mijne erven ende nacomelinge in pacht ende huerwer genome heb en neme van den
eerwerdugen Steve van Zulen van Neijvelt la[n]tcomenduir de balije van Utrecht etc ende sijnen
nacomelinge dartich margen lants gelegen in den gerchte van den goeij also groet ende cleijn alle die
gelegen sijn ende ick van den voorsz[egde] lantcomenduir en ouden gebruijct heb tien jaren lanck an een dure
rende in gaende op Sinte Peters dach as Cathedram naestkomende des jaers om dartich mudde
weijts goet koepmans goet op een groetgen naest den besten die t Utrecht op die marit veijll
kamer en te lenen in heren convente op horen salve bijnnen Utrecht ende daer toe twintich
goede pacht hoenre te betalen de een helffte op vanden op van den keeren ende alle die hoenre op sinte
Mertens dacht nadern wijnter ende die ander helffte op Sinte Petersz dach ad Cathedram
daer naestvolgende of bijne veertien daegen na elker termijn onbegrepen ende soe voirt van
jair tot jairs dese vooorsz[egde] tien jaers lanck durende voirt sal ick dit voirgen[oemde] lant bruijcken
en bewaren als een goet huerman en pachte banen ende beneden sculdichis te doen mijt
alsucker voorwaerden oick te gedaen offt aecke wee dati cks dese voorsz[egde] jaerlixe pacht alle
jairs niet en betalden opten voirgen[oemde] termijnen soe sal ick vander hueren en pachtinghe
des lants vervallen sijn ende gheen seggen dair toe hebe alsoue verre mijn he[re] die lant
comenduir meer tijt dat alsoe belieffden en mij gheen huer helden en verbalde al dinck
sonder argelist in oirkonde der wairheit want ick Willem vooirsz[egd]__ toe tijt selve gheen
segel en hebbe soe heb ick gebeden deen eerbare Evert Zoudenbalch dijck grave opten
laecken dijck dijt over mij te besegellen dat ick Evert ther beden van Willem voirgen[oemd]
gecomen gedaen heb en hebbe mijnen segel an desen brieff gehangen int jaers onss h[e]re
Duijssent vierhondert negenentnegentich opten vier en twintichsten dach in meerte | 