Ic Eerst Willemsz lije ende kenne dat ick voir mij en mijne erven van den
eirwerdighen end vroemen here here Steven van Zuijlen van Nijevelt lantcomend[eu]r
der balijen van Utrecht Duijtsches Oirdens gehuert end in pacht genoeme hebbe
dartijch margen lants alzoe groit en clein als dije gelegen sijn int Goij gelijck
Willem Eeernsten mijn vader dij in dije voirgand jaere te bruijcken placht twaelif
jair lanck an en ge[d]urende ingaende op sinte peter dach ad cathedram anno XVe
en enentwijntich des jairs voir vijfendartijch muije goetz weijtz en twijntich goeder
pacht ho[e]n[d]re goet coopmans guet op en _oenstart nae den beesten weijt
vrij ten duijtschen huijse open sulre te leveren wijtgescheiden apen waelen apen
oirloghe en hen schattinghe dije hij den drijen dtaeten wijtesath wartd dair
salmen mij inne doen alsmen boven und beneden doit te betaelen dije ene helfft
vanden weijt en all dije ho[e]n[d]re Martine inden wijnter neijtcomen[de] ende dije ander
helft vanden weijt petri ad cathedram dair naestvolgen aff bijnne ene maent nae
elcken termijn onbegrepen en alzoe voirt jaerlicx van termijn tot termijn deze voorsz[egde]
twaelff jair lanck durende ende die voorsz[egde] lant sall ick Eerst voirge[noemd] mij
erven en naecomelinge bewaren als guede pachters ende huijrluijde schuldijch zijn t doen
mijt voirwarden wairt saeke dat ick Eerst voorsz[egd] en mij erven dese voirge[noemd]
pacht nijet en betaelden en dije ander voirwarden nijet en hijlden noch en
voildeden als voirs[zegd] staet zoe zall ick off mij erven dair dese versumenijsse
bij geschieden vervallen wezen van deser huer en van allen regten en toeseggen
dat ick tot den daeghe toe dair an gehat mocht heggen soe vere dije lantcoman
duer voorsz[egd] dat weder an hem neme will end anders nijet ende zoe mach
dij lantcomanduer inder tijtd dijt voorsz[egde] lant en deze huer vrij weder
an hem neme end sijnen vrijen wille dair mede doen tot sijns oirdens
behoeff onberroert van mij off mijne erven ende nochtantz hem te betaelen
alle zijne verschene en onbetaelden pacht all dijnck zonder argelijst in
kennijsse der wairhen ende want ick Eerst voirsz[egd] selff geen segell
en hebbe soe hebb ick gebeden den eerbarre Tonijs Eernsten mijn
ohem dat hije deze brieff over mij wold besegelen t welck ick Tonijs
Eernst voirsz[egd] omb[?] bede will Eerst Willemsz voorg[enoemd] gerne gedaen hebbe
end hebb mijnen zegel over Eerst voirsz[egd] an dezen brieff gehangen
sege int jair ons here duijsent vijfhondert en twijntijch opten
negenden dach in junio | 