Ick Eerst Willemsz doe kende allen luijten dat ick voor mij ontfange hebb vande eirweerdige en vromen heer Walter van
Amstel van Mijnden lantcomend[eu]r der baleij van Utrecht Duitsz Ordens inhuer en inpacht inde regeste een stuck lants dair mij hues op staet hauden thien mergen end een hondt dair boeve die kerck van t Goeij en beneden geroijt geroijtsz de bijsz naestgelat is optrecken van de wech die tot die banwijch behourt toth achterwech dat andere stuck deidenhalve mergen dair boeve totseo Jan Roicken en benden georijt Biesser streckende van den wech vursz[egd] totten opstall van Goeijer dijck dat derde stuck een merge en enedartich roeden leggen open engh dair beve de achterwech en beneden Henrick van Amerogen oestwairt gewijt Biesser vursz[egd] westwairt Henrick van Amerogen v[oor]sz[egd] vierde stuck opte engh thien mergen en derdehalff hondt dair boven die lantco[mandeu]r selffs
en beneden Jan van Oestrom alpheosz streckende van die oesterlaick toth achterwech dat vijffde stuck opte engh dair mergen en seste dartich roeden dair boven Jacob Jansz int Goeij en beneden Jan Gijsbertsz Schaeij strecken[de] als bove v[oor]sz[egd] dat sest stuck een mergen en derde hallf hont tweetwijntich roeden dair boven Acrijn Wijllemsz int Goeij en beneden die pastorie vant goeij streckende als bove vursz[egd] dat zevede stuck hauden ander halve mergen en elff roede dair boven die lantcomed[eu]r selffs en beneden den helligen geest t Utrecht naestgel[n]t as strecken van die Oesterlaick totten achterwech toe alle deessz sunt percellen gelegen int Goij int gerechte dee.K.M.r[?] thien jairlick aen een geduerende ingaen petris ad catedram a[nn]o XVe en driendartich des jairs een hoep t same voir sessendartich mudlr[?]
wirts[?] Utrecht maete end twijntich ho__ guet koepmans guet op een groetke nae de alder beste voij[?] tot Utrecht op sinten __loe tekomende sonder enigerharde affcortingen van dijcke van damen van sluijssz van wattergaengh[en] van heer beeden van schattigen en van all dat opt v[oor]sz[egde] lant komen off gesath mocht woirde nijet uijtgesodert dan attent wairt saecke dat dair worde apen oirlogen off apen waede tot dat men dijt vursz[egde] lant niet gebruicke en mochte set salmen mij dair inne doen alsine baeven en benede doet t betaelle die ene helfte vanden weij en hoen vursz[egd] Martijnij inden wijnter end die ander helfft Petri ad catedra dair naestvolgend off bijnnen vertien daege ane ellicker termijn v[oor]sz[egd] ambr greepe en dijt vursz[egde] lant sall ick Eerst vursz[egd] bewaere als een guet pachter schuldich
is van doen noch een nijemant ander verbrenge of verpachte buijte cosent van die lantcomend[eu]r inder tijt mijt voirwaerde wairt saeke dat ick Eerst vursz[egd] deess v[oor]sz[egde] pacht nijet een betaelde off voldeden als vursz[egd] is soe sall ick Ernst vursz[egd] vervallen weesz[en] van deesse huere en voirt van all rechten en toeseggen dat ick tot den daegen toe dair aen gehadt mocht hebben soe voor als die la[n]tcom[en]d[eur] dat weder aen hem nemen wijll en anders nijet en soe mach die lantcomend[eu]r off sijnen naecomerli[n]gen lantcomendeurs meer tijt dijt vurs[zegde] lant en deesse huer vrij werden aen hem neme en sijne vrijen wijlle dair meede doen tot sins orders behoeff onberroert van mij off mijne erven ende nochtantz hem te betaelen allen sijne vurschreve ende
ombetaelden pachten sonder argelist moircondt der warheit ende en ick Ernst vursz[egd] selver geen seegel en hebb soe hebb ick gebeeden den eirbaere Anthonis die Man om deessen brieff met mij t wijllen besegelle t wellick ick Antonis vursz[egd] geene gedaen hebbe mijne seegell durich beeden van Ernst aen dese brieff gehangen gegeve int jair ons heere Duesent vijffhondert tweendartich opten sestiende junij |