Ick Arijaen van Oestrum lije en[de] kenne dat ick voir mij en[de] mijne[n] erffgename van de
eerweerdighen en[de] vroome heren heren Steven van Suijlen van Nijenvelt landtcomendeur
der balijen van Utrecht Duijtsches ouders in enen ewijgen erfpacht heb ontfange[n] alsulck
lant en[de] erve als die ouden liggende lest the Houthen bij die kerck uijt dijck staet
en[de] slootn nae lantrecht gemete vijff hondt achtendtwijntich rijen ende buijt dijck
straet of sloeten datme[n] saijen mach maekcende vierhont veertich rijen dair oist
waeirt naist gelant leijt der kercken goet van Houten westwert en[de] noordtwart der
kercken goet van Sinte marten t Utrecht en[de] zuijtwaert die gemijn straet des jairs
om twee loot fijn sulvers off paijment dair voir dair mede men in elcken tijt der betlalinge
t Utrecht in den wissel twee lat fijn sulvers om cope[n] mach en[de] vier hoonre te betalen
alle jair op sinte peters dach ad cathedra[m] off bijnne[n] eene maent daer nae onbegreepe[n]
ewelick en[de] erflick vrij en[de] comerlois the leveren t Utrecht den landtcomendeur inder
tijt sonder eenijgerande affcortinge van dijcken va[n] sluijsen van watergangen van
beden van scattinge van ouwen off van nijewen maeck van open waije[n] van
open oirloghe en[de] van all dat opt voirs[zegde] lant come[n] off gesoth mach warden mer
gevielen inbreke van dijcken van opene[n] waijen off opene[n] oirloge soe datmen
dit voirsz[egde] lant een jair jair lanck nijet bruijcken noch besiege[n] en[de] mochte soe salme[n] mij
dair inne doen alsmen boven en[de] beneden doet ende des sijnt voirwairde dat ick Arijaen
voirgen[oemd] noch mijn erffgen[amen] dit voirgen[oemden] lant in geene vreemder hant sellen brengen noch
splijten noch dijlen buijten wil en[de] consennt des landtcomendeurs inder tijt dan tsall
altijt come[n] en[de] blijven op een van den naesten erffgenaem eens mans persoon voir een vrouw
persoen sij enen nae sijn oick sijnt voirwairden tot watte tijden desen voirsz[egd] erffpacht
versterft off verhant wort in mate[n] voirs[zegd] soo sall die ghene dair den erffpacht dan op
compt altijt bijnne jairs en daghes dair nae come[nde] bij den landtcomendeur inder tijt
en[de] geven eene badenschen gulden off die weerde dair voir in ande[r] paijme[n]t en[de] geven
en[de] neme[n] nijenwe bovene inhalden[de] als desen brieff doet buijten des oirders cost
mede sijnt voirwairden wairt saicke dat ick Arijaen voirsz[egd] off mijn erve die voirsz[egde]
twe loot fijn sulvers en[de] vier hoenre op daghe en[de] termijne[n] voirsz[egd] nijet en betailden
en[de] die and[ere] punten en[de] voirwairden nijet en hielden noch voldeden als die voirgesch[reven] sijn
soe sall ick Arijen voirsz[egd] en[de] mijn erffgen[amen] dair die versumenisse bij geschieden vervallen
weesen ende verboert heben desen voirsz[egde] erffpacht en[de] allen rechts en[de] toeseggens dat
wij tot den daghe toe omd[en] voirsz[egd] lande en[de] erffpacht gehadt moge[n] hebben ende soe mach
die lantcomendeur inde tijt dit voirsz[egde] lant en[de] dese erffpacht vrij weder aen hem nemen
en[de] sijnen vrijen wille dair mede doen tot sijns oirderis behoeff sonder gemats weder
seggen ende nochtans hem te betalen alle sijne[n] verscheene[n] en[de] onbetailden pacht alle
dunck soner airgelist in kennisse der wairheit ende om gebreck mijns segels soe heb
ick geboden den eersame[n] Wolter Luijtgensoen des[e] brieff over mij te wille besegelen
t welck ick b Wouter Luijtgens voirsz[egd] gerne gedaen heb en[de] hebbe mijn segell ter bede
ende over Arijen om desen brieff gehange gegeve[n] int jair ons eere tuijs[en]t
vijffhondert sesendetwijntich opten thienden dach van aprill | 