Goij

Pachtbrieff van Eerst Willemsz va[n] t selffde de data XV^c XXXJ

Ick Eerst Willemsz lije en[de] kenne dat ick van den eerweerdige en[de] vrome heer
Wolter van Aemstell van Mijden landtcomendeur der balijen va[n] Utrecht Duijtsz
Ordens in huer huirt en[de] in pacht ontfang[en] hebbe inden eersten een stuck lants
houden vier mergen een halff hont en tweendartich roeden dair boven
Joffer Jan Roicken en[de] beneden die kerck van t Goij streckende vande affter
wech tot aenden wech die uuijt die banwijnge genaict is dat anderde
p[er]ceel houden[de] eene halven merge en twee hont en[de] is een stuck lants strect
scheep vuijt tot aen dat kerck lant toe voirsz[egd] dair bove[n] en[de] beneden die lant
comendeur selffs mijtter hoffsteede die ick gebruijck streckende van den Toicht
wech tot aen die steege thoe dat derde p[er]ceel is houden[de] derdenhalve mergen
en[de] een hont dair boven Joffer Roicken voirsz[egd] ende benede[b] Gerrit Geertsz Biesser
strecken[de] van Goijer dijck tot der hoffstede toe voirsz[egd] naestgelant is deese
drie perceelen gelegen int Goeij int gherechte der Keij[serlijk]^e Ma[jestei]^th negen jair
lanck aen een geduiren[de] ingaen[de] petrj ad cathedra[m] a[n]no XV^c en[de] tweendertigch
des jairs om negendenhalven anlesie alde schilt als die anlesije van Utrecht
jairlicx van hoeren pachteren boeren[de] is t betalen die eene helfte vanden gelde
martini inden wijnter en die ander helft petri ad cathedra[m] dair naist
volgende off bijnne veerthien dagen nae ellijcker termijn voirsz[egd] ombegreepen
vrij gelt sonder eejijgerande affcortinge van dijcken van da[m]men van sluijssen
van watergange van heeren beeden van scattinge en[de] voirt van all dat opt
voirsz[egde] lant komen off gesath mocht warden dan alleene wairt saick dat
dir worden open oirlogen off ope waeden soe dat in[de] tijt voirsz[egde] lant nijet ge
bruijcken en mochte soo salmen mijn dair inne doen alsmen boven en[de] beneden
doet ende eijt voirsz[egde] lant sall ick Eerst voirsz[egd] bewaire en[de] onderhalden
als eeen goet pachter sculdich is van doen noch aen nijema[n]t anders verbre[n]ge
off verpachten buijten consent van die lantcom[m]enduer mijt voirwairden wairet
saicke dat ick Eernst voirsz[egd] deese voirsz[egde] pacht jairlicx op termijnen voirsz[egd] nijet
en betailden off voldeden als voirs[zegd] is soo sall ick vervallen weese van deese
huiren en[de] voirt van allen rechten end[de] toesegge dat ick tot den daghe thoe
dair aen gehadt mocht hebben soe veere als die lantcommendeur dat weder aen
hem neeme will aen[de] anders nijet en[de] soo mach die lantcomendeur off sijnen
naecomelinge inde tijt dijr voirsz[egde] lant aen[de] dese huijr voij weede aen
hem neeme ende sijnen vrijen wille dair mede doen tot sijns oirdens
behoeff onbecroent van ^mijn Eernst voirsz[egd] ende nochtans die lantcomendeur the
betaelen allen sijnen verscheene en[de] onbetailden pacht alle dinck sonder
argelist in oircondt der wairheit ende ick Eernst voirsz[egd] solver gheen
segell aen heb soo heb ick gebeden den eerbare Anthonis die Man
om deesen brieff over mij the willen besegelen t weck ick
Anthonis voirsz[egd] geerne gedaen hebbe mijnen segell durch beede
van Eernst voirsz[egd] aen deesen brieff gehanghen oogena[] int jair ons
heren duijsent vijffhondert en[de] eenendertich opte thienden dach van maert

collationate pr[esen]s copia cum suo
originali teste me not[ari]s insooij..
Jeronimus Joh[anne]s not[ari]s sszt[?]

concordat pr[esen]s copia cum suo originali
teste me Lamberto de Elborch not[ari]s sszt[?]

item dit voorsz[egde] lant is bij Eerst willems wederomme innegehuijert negen jaer
aen een geduerende ingaende petrij adcatedram anno XV^c L tshio[?] om negen eneltse
oudtsilt vrije gelt ende voorts op meer andere conditie als de bezegelde
huijerbrieff dair voiper[?] vermelt in dat den VIJ^e sept[embe]r an[n]o XV^c XLIX

itme t selve lant heeft nu in huer die nagelaten weche van Eerst Willems voirde
om de olck pacht alse negen outscilt facit XVIIJ g[u]l[den] XVIIJ st[uivers] ingaen[de] petri ad
cathedram a[n]no XV^c LX oek negen jaer gedueren[de] op conditien ende voerwaerden
als den openen huer brieff vermelt actum den XVIJer maertij an[o] vorisz[egd]