Houten keij[ze]r Ma[jestei]t gezz[] eerffpachtbrieff Jan Henrickssz va[n] eenre
hoevelants en[de] IIIJ hondt de data XVc XXIJ ick Jan Hendricssz Leije en[de] kenne dat ick, dat ick voir mij ende mijne erfe van den eerweer digen en[de] women heeren Steven van Suijlen van Nijevelt lantcomendeur der balijen van Utrecht duijtsches ourderis in eenre eewigen erffpacht heb ontfangen en[de] mitsdesen ont fange die hefte van tweendedetich mergen lants en[de] twee hondt lants gelegen tot houten die Kosijn Stoijcx weduwe plach te bruijcken dair dander helft Jan Gerit Her manssz van in erffpacht heeft dair boven een kaij en benden den rijtstoit nourt wert die sijerken t utrecht en[de] zuijtwart die lantcom[m]enduir mijt sijns ouders erve naistgelant sijn den jairs om soeven mudd goets weijts goet coepmans goet op eenen cromstaet nae den alre beste weijdt vrij t Utrecht ten Duijtschenhuijs opten sulve the
leveren the betalen all jair tot tween termijne die van helfte op sinte Martijns dach in den wijter en die ander helfte van sinte Petersdach ad cathedra[m] daeir naest volgen[de] off binne[n] eene maent nae elcken termijn onbegrepe[n] en[de] alsoe voirt elcks jair then duijtschenhuijs tUtrecht the betalen op mij[n] cost en[de] schade vrij ende comer loes sonder eenijgerande affcortinge van ouden off van nijenwen werck van hoeven beden scattijnge off van enijgerhande sost off omaet die op desen voirsz[egde] lande is off come[n] mach off namaels dair op gesth mocht werden voirt sijnt voirwaerden als ick Jan Henricksz voirsz[egd] afflijvich woirde dat desen selven erffpacht alsdan heel op op een persoen theweeten op mijne naisten en[de] outsten effgenaem voirden jonxten op een mans persoen voir een vrouwen persoen die dair even nae sijn komen sall
en[de] die selve dair hij op coempt sall bijnne[n] jairs en[de] daeges bij den lantcomendeur inder tijt comenende geven nijwe brieve gelijck desen brieff inhout buijten der oirders cost ende sall den landtcomendeur in der tijt geven een gouwen gulde van ghewichte en[de] dan sall die landcomendeur eenre nijewen brieff wederom geven ver wairt sick dat ick Jan voirge[noemd] off mijn erffgenaem den voirg[enoemde] pacht bijnne[n] die eerste maent nae den termijn voirsz[egd] nijet en betaelden en[de] alle puncten nijet en hielden als die voirtz[chreven] sijn soe sall ick en[de] mijn erffgenaem voirsz[egde] weesen vervallen en[de] verniele van de huiren des erffpachts en[de] allen rechten en[de] toeseggen dat ick off mijn erffgenaem anden voirsc[hreven] lande tot dien daghe thoe gehadt hadden off hebbe[n] mochte[n]
en[de] dair nijet tegen the doen off the doen doen mijt eenigen rechten geistlick off wartlick behoudelick nochtans den landtcomendeur inde tijt sin versetens pachts ende soe mach die lantcomendeur inder tijt alsdan sijnde vrijen wille doen mitten voirg[enoemde] lande sonder enijgherande becroenen van mij Jan voirsz[egd] off mijne erffg[enamen] dair die versumenisse bij geschiet wair oick soe en sall ick Jan voirsz[egd] noch mijn erven dair deesen erffpacht op comen sall dit voirsz[egde] landt in geene vreemde hant brengen noch splijten noch off deijlen buijtens des lantcomenduers will en[de] con sent alle dunck sonder argelist in kennisse der wairheit ende want ick Jan voirsz[egd] selff geen segell en hebbe soe hebbe ick gebeden den eerbaren Wouter
Luijtgessz deesen brieff over over mijn the willen besegelen t welck ick Wouter Luijt gensz voirsz[egd] geerne gedae[n] heb en[de] heb mijne segell therbede en[de] over Jan Henricsz om desen brieff gehangen gegeve int jair ons hoeve duijsent vijffhondert ende tweentwijntich opten negende dach van aprijl |