Ick Wouter Luijtgensz doe cont en[de] kennelijck allen luden als dat ick voir mij mijne[n] erve[n] en[de] nacomelingen vanden eerwaerdigen he[ren] he[ren] Johan van
Drongelen lantcom[m]endeur van de balijen van Utrecht van de Duijtsche orde[re]n in enen ewigen erfpacht overgange[n] hebbe drie stucke[n] lants gelegen inden
gerechte van den Goije en[de] Houte[n] dair boven dat eene stucke houdende omtrent sevendalven morgen lants naest gelant is die papelijcke proenen van Houte[n] en[de]
beneden dat co[n]vent van Oudtwijck buiten Utrecht item dat ander stuck houdende enen morgen lants dair boven naest gelant is die papelijcke pr[oe]ne
van Houten voirsz[egd] en[de] beneden dat godss huijsse van den Duijtschen huijs selve item dat derde stuck houdende omtrent vijff hour lants dair voven naest
gelant is Henrick Groet Jan Erstesz erve[n] en[de] beneden dat convente van Oudtwijck voirsch[reven] alle jae[r] dit voirscr[even] lant om vier oude Vranckrijcsche
sulck drie en[de] dertich somers vir den ouden salt twee groot vlaems voir den stuiver gerekent off ander goet paymente dair voir inder tijt der betalinge
te betaelen alle die eene helfte op sinte Martens dach inden wijnter ende die ander helfte op sinte Petrus dach ad cathedram dair naistvolgende
off binnen[n] eenre maent nae elcken termijne voirsz[egd] onbegrepen ende soe van t jairlix erffelijck en[de] ewelijcken vrij en[de] com[m]erlois te leve[ren] ten duijtschen
huijsse t Utrecht int co[n]vent den lantcom[m]enduer off den stessener[?] inder tijt ende drij duhcj tit deb viursz[egde] lande behorende te beware[n] buijten des oirders
coste en[de] scade ende voirt sonder ee[n]iger affcortinge van dijcken van sluijsen van dijcken van sluijsen van watergangen van beden van scattinge[n] van ouden offte van nijeuwen werck van
opene[n] waden van opene[n] oirloge ende van alle dat opt voirsch[reven] lant comen off geset off geset mach worden inne vielen inbreken van dijcke van open waden van openen
oirloge soe datmen dit voirs[zegde] lant eene jaer lanck nijet bruijcke[n] en mochte soe salmen dair inne doene als men bove[n] ende beneden in erffpacht doet bij
goeden manen voirt sijnt voirwairden dat ick off mijne erven ende nacomelinge[n] dair desen erffpacht op com[m]e slle dit voirsz[egde] lant in geenre vreemde
hant brengen splitsen off delen sellen buten consente des lantcom[m]endurs inder tijt mer sal altijt com[m]en en[de] blive[n] op eene[n] persoene eenre mans persoene vo[re]
eene voruwe persoene die dair even nae sijn inder tijt behoudelijcken ende met alsulcken voirwairden dat Jan Gerits dochter mijne echte huijsvrouwe
nae mijnre doet hair lijfftocht aen dessen voirsz[egde] erffpacht heb[be]n ende houden salle hair leven lanck ende nijet langer in alle der selver manie[re] als dessen
brieff inhoudende is mede sijne voirwairden tot wat tijden desen erffpacht voirsz[egd] versterft en[de] ver hant wordet soe sal die gene dair desen erfpacht dan op
comt altijt comen binne[n] jaersz en[de] daeges dair nae bij den lantcom[m]enduer in der tijt en[de] geven enen gouden pen[ningen] en[de] geve[n] ende neme[n] dan nijeuwe
brieve[n] sprekende en[de] inhouden[de] als dessen brieff doet buijte ndes oirdens coste want sijnt voirwairden wairt sake dat ick off mijne erve[n] en[de] nacome
lingen dair dessen erfpacht op com[me]n stalle dese voirsz[egde] vier oude scilde jairlicx opten voirsz[egde] dagen en[de] termijnen nijet aen betaelden en[de] alle pu[n]ten ende
voirwairden voirsz[egd] nijet en onderheijlden off en voldeden soe hebb ick Wouter voirsz[egd] off mijne erven en[de] nacomelinge[n] dair desse verseumenisse bij gescieden
deen erffpacht voirsz[egd] geheele en[de] al verboirt en[de] sijne vervalllen van allen rechten en[de] toeseggen die ick off mijne erve[n] en[de] nacomelinge[n] dair den
tot dien dage gehadt mogen hebben ende soe mach die lantcom[m]enduer inder tijt dit voirsz[egde] lang en[de] desen erffpacht nae hem nemen tot sijds co[n]vents
behoeff ende sijnen vrien wille dair mede doene sonder ijemonts becrooene ende wederseggen in dient hem belieft ende nochtans te he[be]n sijnen vercenen
onbetaelden pacht alle dunck sonder airch ende list in kennisse der wairheit soe hebben ick Wouter voirsch[reven] voir mij en mijnen erve[n] en[de] nacomelin[gen]
gen mijnen segele aen dessen brieff gehangen int jae[re] ons hee[ren] dusent vierhonderte eene en[de] tnegentich op sinte Thomas dach apostels