Alle ghenen die desen brieff zullen sien ofte horen lesen doen ten verstaen Jacob van Zulen van Nijevelt scout op die We
teringe int gerechte van Sconouwen in Willems gerechte van Zulen van Nijenvelt Hilbrant van Rossem Dircxz, Gherit Aerts zoen,
Henric Iasz Cleijn Jan Eerst zoens zoen Gherit Hermensz en[de] Steven Jan die Witten __ lantgenoten en[de] buerem omdem gerechte voirsch[reven]
dat voir ons quam inden gerechte Joest van der Mije Alfertsz ende gaff over voir hem en[de] voir joffrouwe Ansg sijn geechte wijff
dair hij op dese tijt wettelijke geboorte bij heeft en[de] voir Henric Keijser erfnamen Ludolff Wouter Luijken zoens zoen enen
vrijen eijgendom van twaloff mergen lants soe dit voirsch[reven] lant gelegen inde gerechte voirsch[reven] in een weer lants van twee ende
twijntich mergen lants luttell meer off mijn gemengder voren mit Dirck van Oestrum en[de] mit Gherit de Boell streckende van
Goeijer Weteringe tot Scalckwijcker Weteringe toe dair boven dit voirsch[reven] weerlants naestgelant den uitwech ende
beneden dit voirsch[reven] weerlants naestgelant die heren van sint Peter t Utrecht ende Joest van de Mije Alfertsz voirsch[reven]
vertrech hier voirt off voir hem en[de] voir juffrouwe Ansg sijn geechte wijff voirsch[reven] van dese voirsch[reven] en[de] bepaelde twaloff mer
gen lants tot behoeff Ludolff Wouter Luijken zoens z voirgenoemt claerlijcken mit allen rechte en[de] mit oirdele en[de] mede
van allen brieven die dair off rueren mochten alsoe als dese voirsch[reven] lantgenoten en[de] bueren wijsden dat hij mit rechte sculdich
was te doen en[de] mede soe gelovede Joest van de Mije voir hem en[de] voir sijn reechte wijff voirgenoemt en[de] voirt voir sinen
erfname voirsch[reven] dese voirsch[reven] en[de] bepaelde twaloff mergen lants te waren en[de] te vrijen jaer en[de] dach als erfcoop rechte is
en[de] alle voir commer en[de] voir plechten off te doen na den rechte van den lande alle dunck sond[er] arch en[de] list in kennisse der
waerheijt soe hebbe ic Jacop van Zulen van Nijevelt scout voirsch[reven] mijnen zegell aen desen brieff gehangen over mij selven
van des gerechts wegen en[de] om dat wij Hijlbrant van Rossem Dircxz, Gherit Aerts z Cleijn Jan Eerst soens
zoen Gherit Hermensz en Steven Jan die Witten z voirsch[reven] op dese tijt selver gene zegelen hebben soe hebben wij gebe
den Jacop van Zulen van Nijevelt onsen scout voirg[enoemd] desen brieff over ons te bezegelen des ic Jacop van Zulen van Nije
velt om beden wijlle van desen voirsch[reven] lantgenoten en[de] bueren geerne gedaen hebbe en[de] wij kennen en[de] tuijgen dit
als voirsch[reven] staet onder ons scouten zegell voirgen[oemd] gelijcken wijs en[de] in alre manieren off wij dit mit ons selfs zegelen
bezegelt hadden ghegeven inden jaer ons liefs heren dusent vierhondert een en[de] t seventich opten ses en[de]
twijntichsten dach in januario